Luis Enrique vlerëson Dembélén: Barcelona, “shkolla më e mirë e futbollit”
Ousmane Dembélé është transformuar në një prej lojtarëve më të mirë në botë, duke shkëlqyer pas ardhjes së tij te Paris Saint-Germain. Trajneri i tij aktual, Luis Enrique, nuk ngurroi të lëvdojë sulmuesin francez, duke ia atribuuar meritat ish-klubit të tyre, Barcelonës, për formimin e tij.
“Ousmane Dembélé ishte në shkollën më të mirë të futbollit te Barcelona. Ai tashmë di gjithçka!”, deklaroi Enrique. Ai shtoi se çdo lojtar që vjen nga “Blaugranat” i përshtatet mënyrës së tij të lojës: “Një lojtar që vjen nga Barcelona përshtatet me atë që më pëlqen në futboll, ai e kupton në mënyrë të përkryer.”
Këtë sezon, Dembélé ka regjistruar 4 gola dhe 6 asistime në 9 paraqitje për kampionët e Francës, PSG-në. Ai po përgatitet të përballet me ish-skuadrën e tij, Barcelonën, këtë të martë.