Pajtim në Junik: Familjet Bajraktari dhe Krasniqi arrijnë marrëveshje me ndërmjetësimin e Daut Haradinajt
Në Junik është finalizuar një pajtim i rëndësishëm mes familjes së Januz Bajraktarit dhe asaj të Isuf Musë Krasniqit. Ky akt shënon një kthim te vlerat e larta të traditës shqiptare të mirëkuptimit dhe faljes.
Lajmin për këtë pajtim e ka bërë të ditur Daut Haradinaj, i cili ka theksuar se ndjenja e bashkimit dhe besimit mbetet një themel i fortë për banorët e Junikut.
Haradinaj është shprehur krenar që, së bashku me një grup miqsh, kanë mundur të ndërmjetësojnë këtë marrëveshje mes dy familjeve. Ai theksoi se kjo dëshmon se fryma e mirëkuptimit dhe faljes vazhdon të jetojë ndër shqiptarë.
“U ndjeva krenar që, bashkë me shumë miq, i pajtuam familjen e Januz Bajraktarit dhe familjen e Isuf Musë Krasniqit,” ka deklaruar Haradinaj.