Ministria e Industrisë, Ndërmarrësisë dhe Tregtisë (MINT) ka bërë të ditur çmimet maksimale të lejuara për shitjen e karburanteve, të cilat do të jenë në fuqi për ditën e sotme.
Sipas njoftimit zyrtar të lëshuar nga MINT, çmimi i dizelit (naftës) ka shënuar një rritje prej 1 centi në krahasim me ditën e djeshme, duke arritur në 1.60 euro për litër. Ndërkohë, benzina do të vijojë të shitet me një çmim maksimal prej 1.50 euro për litër, ndërsa gazi do të tregtohet me 0.76 euro për litër.
Këto çmime të reja hyjnë në fuqi duke filluar nga ora 10:00 e ditës së sotme.