Çaji i Përsosur: Vetëm pesë minuta, këshillon eksperti
Një ekspert i shquar pretendon se shumë prej nesh e përgatisin gabim filxhanin e çajit.
Stuart Farrimond, specialist në shkencën e përgatitjes së çajit, ka shpjeguar se si mund të bëhet pija e përsosur, e cila po bëhet gjithnjë e më popullore në mbarë botën, falë vlerave të saj shëndetësore.
Farrimond thekson se çaji duhet të lihet të qëndrojë në ujë për saktësisht pesë minuta për një pije më të shëndetshme dhe më të shijshme. Sipas tij, edhe ngjyra e filxhanit ka ndikim në perceptimin e shijes.
Dr. Farrimond rendit katër rregulla të arta për përgatitjen e çajit:
1. Mos pini kurrë nga filxhanë prej polisteroli.
2. Një çaj i servirur në një gotë të madhe, të kuqe ose rozë, perceptohet si më i ëmbël sesa i njëjti çaj i servirur në një filxhan të bardhë apo blu.
3. Sigurohuni të filtroni ujin e fortë para se ta zieni.
4. Lëreni qesen e çajit të qëndrojë në ujë për saktësisht pesë minuta.