Ylli ndërkombëtar i muzikës, Dua Lipa, ka nisur festimet për ditëlindjen e saj të 31-të, duke zgjedhur si destinacion luksoz ishullin spanjoll të Ibizës. Ajo shoqërohet nga familjarë dhe miq, duke shijuar ditë pushimesh dhe argëtimi.
Këngëtarja e njohur, krijuesja e hiteve si “Levitating”, u fotografua duke u argëtuar në një jaht luksoz, ku spikati me një bikini me print leopardi, siç raporton ‘The Sun’. Ajo u shfaq me humor të shkëlqyer, duke pozuar gazmorisht dhe duke u hedhur në ujërat kristal të ishullit spanjoll.
Së bashku me Duën, ndodhen motra e saj modele, Rina (25 vjeçe), dhe vëllai DJ Gjin (20 vjeç). Gjatë pushimeve, familja ka kaluar kohë duke u relaksuar dhe festuar, si dhe ka vizituar klubin e famshëm të natës DC-10.
Kjo festë e ditëlindjes vjen si pjesë e një sërë udhëtimesh luksoze që Dua ka bërë gjatë këtij viti. Profili i saj në Instagram dëshmon vazhdimisht për aventurat e saj, duke shfaqur fotografi nga destinacione të ndryshme, ku ajo shijon diellin, detin dhe relaksin me familjarë, miq apo bashkëshortin e saj.
Viti nisi me një udhëtim në Francë. Në prill, ajo udhëtoi drejt Afrikës së Jugut për një safari me bashkëshortin e saj, aktorin britanik Callum Turner (36 vjeç), me të cilin ishte atëherë e fejuar. Më pas, çifti vizitoi Kopenhagën, përpara se Dua të organizonte një festë beqarie po në Ibiza me mbi 20 shoqe.
Qershori shënoi një prej ngjarjeve më të rëndësishme: dasma e saj me Callum Turner në Siçili, ku morën pjesë qindra familjarë dhe miq. Pas ceremonisë, çifti shijoi një udhëtim rrugor romantik në Itali, duke ndaluar në Romë dhe Porto Ercole, Toskanë.
Aventurat e Duas nuk u ndalën as pas dasmës. Muajin e kaluar, ajo vizitoi Kosovën për festivalin ‘Sunny Hill’, ndërsa javën e kaluar ndodhej në Portofino të Italisë, për festën e beqarisë së mikeshës së saj, Ella Jenkin.
Ky stil jetese i mbushur me udhëtime e ka bërë Duën shpesh objekt shakash mes fansave, të cilët komentojnë se ajo duket ‘gjithmonë me pushime’. Këngëtarja vetë ka reaguar me humor ndaj këtyre komenteve: “Nuk jam gjithmonë me pushime. Thjesht bëj që gjithçka që bëj të ndihet si pushim.”
Dhe me të vërtetë, duket se edhe 31-vjetorin e saj, Dua Lipa po e feston pikërisht në këtë frymë: mes familjes, miqve, diellit dhe detit.