Finalja e Botërorit 2026: Formacionet e mundshme të Spanjës dhe Argjentinës
Gjithçka është gati për ndeshjen finale të Kupës së Botës 2026. Spanja dhe Argjentina do të përballen sonte në stadiumin “MetLife” në New Jersey, në një duel që premton spektakël mes dy kombëtareve që e kanë dominuar turneun me stile të ndryshme loje.
Përzgjedhësi i Spanjës, Luis de la Fuente, pritet të konfirmojë thuajse të njëjtin formacion që eliminoi Francën në gjysmëfinale.
Nga ana tjetër, Lionel Scaloni ka vetëm një dilemë në repartin sulmues, ku Julián Álvarez dhe Lautaro Martínez garojnë për një vend përkrah Lionel Messit.
**Formacionet e mundshme:**
**Spanja (4-3-3):** Unai Simón; Pedro Porro, Cubarsí, Laporte, Cucurella; Rodri, Fabián Ruiz, Dani Olmo; Lamine Yamal, Oyarzabal, Álex Baena.
**Argjentina (4-4-2):** Emiliano Martínez; Nahuel Molina, Cristian Romero, Lisandro Martínez, Tagliafico; Giuliano Simeone, Enzo Fernández, Leandro Paredes, Alexis Mac Allister; Lionel Messi, Julián Álvarez (favorizohet ndaj Lautaro Martínez).
Spanja mbërrin në finale me mbrojtjen më solide të turneut, pasi ka pësuar vetëm një gol gjatë gjithë Botërorit. Argjentina, nga ana e saj, ka treguar karakter të jashtëzakonshëm duke përmbysur disa ndeshje të vështira gjatë rrugës drejt finales.
Dueli mes Lamine Yamalit dhe Lionel Messit pritet të jetë një nga momentet më të veçanta të kësaj mbrëmjeje historike.