Kryetarja e Kuvendit të Kosovës, Albulena Haxhiu, ka nënshkruar Ligjin për ndryshimin e Ligjit për Dhomat e Specializuara dhe Zyrën e Prokurorit të Specializuar. Ajo e ka përcjellë këtë ligj presidentes Vjosa Osmani për dekretim.
Konfirmimi për këtë ka ardhur nga këshilltari i saj, Glauk Tahiri, i cili ka folur për televizionin Dukagjini.
Tahiri ka sqaruar se ligji ishte miratuar në seancën plenare të Kuvendit më 6 tetor 2023 dhe se i ishte dërguar Presidentes në mbështetje të nenit 80, paragrafi 2, të Kushtetutës së Republikës së Kosovës.
Sipas Kushtetutës, Presidentja tani ka në dispozicion 8 ditë afat për ta dekretuar ligjin, para se ai të hyjë në fuqi.