Juventusi kërkon rikthimin e Kolo Muanit, PSG shqyrton shkëmbimin me Jonathan David
Torino po vlerëson mundësinë e rikthimit të sulmuesit Randal Kolo Muani, ndërsa Paris Saint-Germain (PSG) po shqyrton një marrëveshje shkëmbimi ku përfshihet Jonathan David.
Kolo Muani, i cili ka kaluar një periudhë me huazim te Juventusi më parë, shpreh dëshirën për t’u rikthyer pas një përvoje pozitive në Itali. Gjatë asaj kohe, ai shënoi 10 gola dhe u ndje i vlerësuar nga klubi.
Megjithatë, e ardhmja e francezit te PSG duket e paqartë. Klubi parizien ka bërë të ditur se kërkon një zgjidhje të përhershme për të, dhe jo një tjetër huazim.
Juventusi mbetet i hapur për një ribashkim, veçanërisht pasi trajneri i tyre është gjithmonë një admirues i Kolo Muanit. Sipas tij, lëvizjet dhe shkathtësia e sulmuesit do të forconin repartin ofensiv, potencialisht pranë Dusan Vlahovic, e ardhmja e të cilit gjithashtu mbetet e pasigurt.
Ndërkohë, drejtori sportiv i PSG-së po vlerëson një formulë shkëmbimi që përfshin Davidin, një lojtar me të cilin ka bashkëpunuar më parë në Francë.
Megjithatë, Juventusi ka ndjesi të përziera lidhur me sulmuesin kanadez. Për klubin italian, prioritare mbetet mundësia e rikthimit të Kolo Muanit.
Një marrëveshje përfundimtare do të varet nga disa faktorë, duke përfshirë kualifikimin e Juventusit në Ligën e Kampionëve dhe arritjen e një dakordësie mbi vlerësimin ekonomik, me shifra rreth 40 milionë euro që janë në diskutim. (Burimi: GazetaExpress)