Sipas mjekëve, këto janë ushqimet më të shëndetshme për fëmijët.
Rritja e fëmijëve është një përvojë e mrekullueshme, por shpesh vjen me sfida, sidomos për sa i përket të ushqyerit. Fëmijët shpesh preferojnë ushqime të pasura me yndyrna dhe kalori, të cilat nuk janë të shëndetshme. Ndërkohë që nuk mund t’i detyroni gjithmonë të hanë atë që nuk u pëlqen, mund t’i drejtoni drejt një regjimi ushqimor me pak yndyrna dhe të pasur me fibra, hekur, kalcium e minerale të tjera thelbësore.
**Qumështi**
Prindërit duhet të sigurohen që fëmijët të konsumojnë mjaftueshëm qumësht, pasi është një burim i shkëlqyer i proteinave, kalciumit dhe vitaminës D. Për këtë arsye, konsumimi i rregullt i tij rekomandohet gjithmonë.
**Mollët**
Mollët vlerësohen si një ndër frutat më të shëndetshme, pasi janë të pasura me vitaminë C e fibra, si dhe përmbajnë pak kalori. Për të përfituar sa më shumë vlera ushqyese, sugjerohet që fëmijët t’i konsumojnë pa i qëruar.
**Gjalmi i kikirikut**
Shumë prindër shmangin gjalmin e kikirikut për shkak të përmbajtjes së lartë të yndyrnave, ose për shkak të alergjive ushqimore. Megjithatë, duhet theksuar se pjesa më e madhe e yndyrnave tek gjalmi i kikirikut janë mono- dhe poli-të pangopura, çka e bën atë një alternativë më të sigurt se ushqimet e tjera me yndyrna të ngopura. Gjithashtu, është një burim i mirë proteinash, hekuri, acidi folik, zinku, magnezi, vitaminave E, A dhe B6.
**Kosi**
Kosi është një burim i shkëlqyer kalciumi. Megjithatë, zgjedhja e llojit të duhur është thelbësore, pasi disa produkte përmbajnë sasi të larta sheqeri dhe pak vlera ushqyese. Për fëmijët, preferoni kosin me pak yndyrna, me probiotikë dhe pa sheqerna të shtuara.
**Tuna (Peshku tun)**
Tuna konsiderohet si një nga ushqimet më të shëndetshme dhe mund të jetë pjesë e një vakti të shijshëm e ushqyes. Megjithëse janë ngritur shqetësime lidhur me ndotjen e saj me mërkur, tunën mund ta konsumoni me masë. Mund t’u përgatisni fëmijëve edhe një sanduiç shumë të shijshëm e të shëndetshëm me tunë.