Liverpooli ka hapur bisedimet me Paris Saint-Germainin për transferimin e anësorit francez Bradley Barcola. Ky mund të jetë një prej transferimeve më të bujshme të kësaj vere.
Sipas gazetarit Paul Joyce, klubi anglez është i gatshëm të ofrojë rreth 100 milionë funte, plus bonuse të lidhura me performancën, për të bindur kampionët francezë të lënë të lirë 23-vjeçarin.
Barcola konsiderohet si një nga talentet më premtues në futbollin evropian, ndërsa Liverpooli e shikon atë si një përforcim kyç për sulmin.
Gjithsesi, mbetet për t’u parë nëse PSG do ta pranojë ofertën apo do të insistojë në mbajtjen e sulmuesit francez.