**Dy Filxhanë Kafe në Ditë, Një Mbrojtje e Mundshme Kundër Sëmundjes së Parkinsonit**
Të paktën 19 studime shkencore kanë theksuar rolin mbrojtës të kafes në parandalimin e sëmundjes së Parkinsonit. Konsumi i rregullt i saj thuhet se ul rrezikun e zhvillimit të kësaj sëmundjeje neurologjike me gati një të tretën. Përbërësi kyç pas këtij efekti është kafeina, pasi edhe çaji shfaq veti të ngjashme mbrojtëse, ndërsa kafeja pa kafeinë nuk tregon të njëjtën efikasitet.
Ashtu si antioksidantët e gjetur te frutat e pyllit, edhe kafeina ka treguar aftësinë për të mbrojtur qelizat nervore të njeriut nga dëmtimet e shkaktuara nga pesticidet dhe neurotoksinat e tjera.
**Si Ndikon Kafja në Trajtimin e Parkinsonit?**
Në një studim klinik të kontrolluar, pacientëve me Parkinson iu dha një dozë kafeine e barabartë me atë që gjendet në dy filxhanë kafeje në ditë (ose rreth katër filxhanë çaji të zi, apo tetë filxhanë çaji jeshil). Brenda tre javësh, u vunë re përmirësime të ndjeshme në gjendjen e tyre klinike.
Për shkak të kostos së ulët dhe aksesit të lehtë të kafes, kompanitë farmaceutike kanë tentuar të përshtatin kafeinën në ilaçe të reja eksperimentale, siç janë preladenanti dhe istradefilina. Megjithatë, këto medikamente nuk kanë treguar efikasitet më të lartë se kafeja natyrale, e cila mbetet një alternativë shumë më e lirë dhe më e sigurt, raporton noa.al.