Sezoni 2026/27 në ligat kryesore europiane të futbollit ka nisur, duke shënuar rikthimin e emocioneve të këtij sporti.
Në Premier League të Anglisë, Arsenali e nisi mbrëmë mbrojtjen e titullit të kampionit me një fitore 3:0 kundër të sapopromovuarve të Coventryt. Sot, në orën 13:30, Manchester United do të nisë sezonin në udhëtim kundër Hull City. Një tjetër përballje interesante do të jetë ajo mes Evertonit dhe Crystal Palace, ndërsa Granit Xhaka me Sunderlandin do të luajnë si mysafirë të Ipswich. Tottenhami, me përforcimet e tij të reja, do të masë forcat kundër Brentfordit.
Në Serie A të Italisë, Interi do të luajë kundër Monzës në ndeshjen e parë të sezonit. Napoli i Amir Rrahmanit do të përballet me Genoan në transfertë, ndërsa Mërgim Vojvoda me Udinesen do të luajë kundër ish-klubit të tij, Comos.
Në La Liga të Spanjës, Real Madridi do të jetë në fushë sonte në orën 21:30, për t’u përballur me Espanyolin.