Sasa Hoda reagon ashpër pas fyerjeve të rënda në palestër
Sasa Hoda ka reaguar ashpër pas një incidenti të ndodhur në palestrën “Sezai Surroi” në Prizren, ku ajo është ofenduar rëndë nga tifozë gjatë një ndeshjeje. Shkak i kësaj situate ka qenë mbështetja e saj e hapur për klubin e Trepçës.
Hoda ka sqaruar se ofendimet ishin drejtuar personalisht ndaj saj dhe jo ndaj shoqërueses së saj, Bias, duke theksuar se fillimisht kishte pasur keqkuptime për këtë çështje. Ajo citoi fjalët fyese të përdorura nga tifozët e ekipit të Bashkimit, të cilët thërrisnin: “Qite k*rvën jashtë”.
Sipas Hodës, situata ishte e papranueshme dhe thellësisht shqetësuese, veçanërisht në një ambient sportiv ku çdo individ duhet të gëzojë të drejtën për të mbështetur ekipin e preferuar pa u bërë objekt fyerjesh. Ajo shtoi se ngjarja ka ndikuar negativisht edhe te personi që e shoqëronte, duke dënuar ashpër sjelljen e tifozëve të përfshirë në këtë incident.