Vjedhje në Bibaj të Ferizajt: Stoli ari dhe pistoletë me leje vidhen nga një shtëpi banimi
Një shtëpi banimi në fshatin Bibaj të Ferizajt ka rënë pre e një vjedhjeje mbrëmë, ku autorët e panjohur kanë marrë stoli ari dhe një pistoletë me leje.
Sipas njoftimit të Policisë së Kosovës, rasti është raportuar nga pronarja e shtëpisë, e cila ka informuar autoritetet se vjedhja ka ndodhur rreth orës 22:20 të datës 1 gusht. Sendet e vjedhura përfshijnë stoli ari dhe një armë zjarri, konkretisht një pistoletë, e cila posedonte leje për mbajtje.
Rasti është regjistruar si “Vjedhje e rëndë” dhe Policia ka nisur hetimet për identifikimin dhe kapjen e autorëve.