Olise ndjek hapat e Henryt, shkruan histori për Francën
Michael Olise po përjeton një formë të shkëlqyer me kombëtaren franceze. Futbollisti i talentuar i Bayern Munich shkëlqeu në fitoren 4-1 kundër Belgjikës në Ligën e Kombeve, duke realizuar dy gola dhe duke dhënë një asist.
Me këtë performancë, Olise ka arritur në 17 kontribute direkte në gola për Francën gjatë vitit 2024 (7 gola dhe 10 asistime). Në shekullin e 21-të, vetëm legjenda Thierry Henry ka regjistruar një bilanc më të mirë në një vit kalendarik me kombëtaren franceze. Në vitin 2003, Henry shënoi 19 kontribute, duke e lënë Olisen vetëm dy pas rekordit të tij.
Edhe me Bayern Munich, statistikat e 24-vjeçarit janë impresionuese. Në vetëm 11 paraqitje këtë sezon, Olise ka realizuar 12 gola dhe ka dhënë 5 asistime, duke konfirmuar rritjen e tij si një nga futbollistët kyç të Francës dhe klubit bavarez.
Franca do të luajë dy ndeshjet e fundit të grupit në Ligën e Kombeve gjatë nëntorit: kundër Italisë më 12 nëntor dhe Turqisë më 15 nëntor.