**Sulm me armë në Han të Elezit: Dy persona të kërcënuar dhe sulmuar, dyshohet për katër autorë në arrati**
Dy persona kanë rënë viktimë e një sulmi të dhunshëm dhe kërcënimi me armë zjarri në Han të Elezit. Ngjarja, e cila është raportuar në Polici, ka ndodhur më 18 korrik 2026, rreth orës 19:00, në fshatin Krivenik.
Sipas raportit të Policisë së Kosovës, ankuesit, të dy meshkuj, kanë deklaruar se teksa ndodheshin në mal, janë përballur me katër persona. Këta të fundit dyshohet se fillimisht i kanë kërcënuar me armë dhe më pas i kanë sulmuar fizikisht.
Si pasojë e sulmit, njëri prej viktimave ka pësuar lëndime të lehta trupore dhe ka marrë trajtim mjekësor.
Policia bën të ditur se të dyshuarit aktualisht janë në arrati, ndërsa hetimet për zbardhjen e plotë të rastit po vazhdojnë.