Vedat Muriqi padyshim se është një prej idolëve të tifozëve të Mallorcas, e kjo u pa më së miri dje, në ndeshjen kundër Valencias.
Para fillimit, tifozët e Mallorcas shpalosën një koreografi kushtuar sulmuesit kosovar, ku shkruhej “Ishulli i Piratit”, shkruan IndeksOnline.
Një ditë më pas, Muriqi i falënderoi për mbështetjen e treguar gjatë këtij sezoni, duke dërguar edhe një mesazh se do të luftojë deri në fund, bashkë me shokët e skuadrës për të mbajtur Mallorcan në elitën e futbollit spanjoll.
“Një nga ditët më të paharrueshme të karrierës sime, mbështetja juaj ka qenë thelbësore për mua këtë sezon. Thjesht faleminderit për gjithçka!!
6 finale, të bashkuar, të fortë dhe të luftojmë më shumë se kurrë!!!”, ka shkruar Muriqi.
Sulmusi kosovar, javën e kaluar hyri në histori, si golashenuesi më i mirë i Mallorcas, duke arritur shifrën e 55 golave, derisa renditet i dyti aktualisht në listën e golashenuesve të La Ligas këtë sezon, me 21 gola, tre më pak se Kylian Mbappe./IndeksOnline/