Të paktën dhjetë persona janë transportuar në spital pas një incidenti me armë zjarri që ndodhi gjatë një feste në Oklahoma City.
Sipas policisë, autoritetet morën disa njoftime për të shtëna me armë zjarri të drejtuara ndaj një grupi të rinjsh të mbledhur pranë një liqeni.
Autoritetet policore bënë të ditur se, përveç personave të dërguar me urgjencë në spital, ka gjasa që edhe të tjerë të jenë larguar nga vendngjarja me mjete private për të marrë ndihmë mjekësore.
Autoritetet kanë nisur hetimet për të zbardhur rrethanat e ngjarjes, ndërsa deri më tani nuk ka informacion mbi autorët apo motivet e sulmit.